सत्य, निष्पक्ष र खोजमुलक समाचार
मगलवार, ११ माघ २०७८ / Tuesday, 25 January 2022

ए डिभिजन लिग फुटबल: आजदेखि आठौं चरणका खेल सुरु हुँदै



प्रकाशित समय: शुक्रवार, १० : २७ बजे पुष २३ गते



ए डिभिजन लिग फुटबल: आजदेखि आठौं चरणका खेल सुरु हुँदै

काठमाडौं, २३ पुस।सहिद स्मारक ए डिभिजन लिग फुटबलमा आजदेखि आठौं चरणका खेल सुरु हुँदैछ ।

 

त्रिपुरेश्वरस्थित दशरथ रङ्गशालामा आज पहिलो खेलमा सङ्कटा र सातदोबाटो क्लब खेल्नेछन् । ७ खेलबाट १३ अङ्क जोडेको सङ्कटा तालिकाको तेस्रो स्थानमा छ भने ७ खेलबाटै ८ अङ्क जोडेको सातदोवाटो तालिकाको सातौं स्थानमा छ । आजको खेलमा सङ्कटा विजयी भए दोस्रो स्थानको मनाङ मस्र्याङदीसँग तथासातदोवाटो विजयी भए चौथो स्थानको त्रिभूवन आर्मीसँग अङ्क बराबरी गर्नेछन् ।

 

आजै दोस्रो खेलमा सशस्त्र प्रहरीको एपीएफ क्लब र जावलाखेल युथ क्लबबीच प्रतिस्पर्धा हुनेछ । एपीएफ ६ अङ्कसहित तालिकाको दशौं स्थानमा छ भने ७ अङ्कसहित जावलाखेल नवौं स्थानमा छ । सातौं चरणको नतिजाले एएफसी प्रेसिडेन्ट कप छनोट खेल्न पाउने टिमको टुङ्गो लगाएको छ । अब बाँकी चरणका खेलहरुले उपाधि र रेलिगेशनको छिनोफानो हुने छन् ।